عيني عَلَـــى دَمْعــيْ عَصيَه....

انا في غيابك يابسه مثل حسره
ربي حرمها نعمة البوح والدمع

عيني على دمعي عصيه وعسره
في بحرها نشفت ولا ذاقها سمع

صوت يرد لصمت الاحساس كسره
ما عارضه ورد ... ولا جاوبه شمع

حرفي شهيد البعد ويمد جسره
للخفقه اللي وصلها فيك ما طمع

متى حزين الورح يعفي من اسره
من هاجس التفريق يشره على الجمع


ياحي هالصوت الحبيب الشمالي


ياحي هالصوت الحبيب الشمالي
شايل عناقيد الغلى لاجلي وجاي

من صدّي الكذاب لاصدق وصالي
ومن أولي بالدمع والشوق لاقصاي

من حقـّي اليا ساق فيها دلالي
مادمت لي بالخلق ويهمك رضاي

يا فزعتـي لا شان حظـّي ومالي
ياعزوتي لا ذاب في مري احلاي

يشربنـي الالهـام لـ اعـذب زلالي
واصب لك واسقيك من قاف نجواي

واهـجّ لك بالحلم لا ضاق بالي
كم نجم اليا تاه قدّاه مسراي

لساعك اللي حيل بالحيل غالي
ويحج لعيونك .. ويضحّي محياي

كل الجهـات عيونك اللي ظـلالي
وين ألتفت أشوفك الجرح ودواي

ليـن أشمـلت سابقـت معهـا خيـالي
واليا اجنبت بالدرب خانتنـي اخطـاي

يالذّتـي بالعمـر .. لا .. يـا حـلالي
شاب الزمن ما شاب في جفني بكاي