راح اصرخ احبك
راح اصرخ احبك واليصير ايصير
ولو مجنون كالوا لجلك اقبلهـــــــه
شفتك والكلب ضل ينبض بدكـــات
عشكك ياترف دكاتي زيدهــــــــــه
راح آنـــــه على بابك اوكف بتموز
والحر على روحي يصير باردهــه
واقبل لو اضل سنين عــــــــــالباب
بس شوفت اعيونك يكفي مكحلهــه
راح اصرخ احبك ما اخاف الموت
لــــــــــــو اهلك علي بالنار وجهتها
مجبور آنــــه احبك وافرح الملكاك
بلسم للجرح ياناس صفنتهــــــــــه
رايد كلمــــــــة منك هدي المعلـول
يل خزرت عيونك تسوى غمزتهـه
في قلبي دائما
يــــــل كلك مشاعر بيك حسيت
يـــــانبض المحنه وطيب خاطر
يــــــاحرف القصيده وبيك قفيت
يـــــــا اجمل شطر وبأيد شاعر
يـــــا اعذب لحن بيك آنه خليت
يـــــــا اجمل امس ويتبعه باجر
يـــــا كلمة احبك رددتهه الروح
يـــا شمس الصبح باجمل مناظر
يــاطيف الفجر من فزز النعسان
يـــــا اجمل شخص بين العشاير
يا نسمة اعذيبي تمر علي بشوك
يـــــــا بلسم جرح دافي المشاعر
كلمــة شوك اكلك خلني عـــالبال
لاتنساني كلش انتـــــــــــه وتكابر
لاتنساني كلش انتـــــــــــه وتكابر
راح اكتب حروفك
راح اكتب احروفك بعد مـــــــــاخاف
والعنده اعتراض يكول قصتـــــــــــه
بس انتـــــه اعتراضك كلي شيفيـد
لن يجري بعروكي من عشكتــــــــه
عشكته وحيل احبه وابد مـــــاعوف
صورة بعيني حلوة من طبعتـــــــــه
راح اكتب احروفك وآنــــــــــه مرتاح
لان روحي ويه اسمك دوم شابكته
بعد ماخاف كلش لـــــــن احبك حيل
والعنده محب ميعوف سالفتــــــــــه
بعد شنهي اعتراضك كلــي شيفيد
لن كلبي شهم ميخون صاحبتــــــــه
بطل ياكلب
بطل ياكلب مو همـــــــه عافوك
انت شكد وكيح تريد تـــــــاذيني
علمتك تحبهـــم بس اسولف بيك
هاذ آنـــــــــــــه اكلك لا تجويني
اترك من صدك لا يـــــاخذك زود
جربت الاحبهم خانـــــوا اسنيني
ليغرك شخص حجــــاي وجهين
مثل ثوب الحيايـــة يكوم يرميني
ارجع هم احذرك لا تذل الروح
وأنا بـــالعشك مجروح تدريني
مو مرة اعشكت واتحملت آهات
وجروح الاحبهــــم ودرن عيني
مــــــاكفاك هذا تريد ارد اردود
يمكن يــــــــاكلب وتريد تعميني
صار العشك بس للثري
صار العشك بس للثري
ويبيع بينه ويشتري
ما يحبونك اذا انت فقير
ولازم براسك تحط تاج الامير
ولازم بجيبك الف شده تصير
والمبايل دفتري
صار العشك بس للثري
بس للثري الدنيا تحب
والمو ثري كاظي نحب
مايلكه بالشارع محب
يا دنيا لا تتبختري
صار العشك بس للثري
عشك المصالح مو عشك
مغشوش ماهو من صدك
عشك الجذب هم يحترك
ياروحي هم اتصبري
صار العشك بس للثري
على عيوني
على عيوني انطبع حبك يمزيون
بعد شيزيح حبك يــــــابعد عيني
بعد شيزيح حبك والكلب ولهـــان
يادكة كليبي وفرحة اسنينــــــي
يــادكة عشك متوسده بين الروح
يــاشهكة انفاسي وحيل ترويني
شيزيحك بعد وانتـــه بغلات الروح
واتونس بجمرك من يجويني
ياجمرة عشك تحرك دليلي بشوك
ياخد الشمس بفراكه يعميني
ياخد الشمس يل منه ماموجود
ياكحلة عيون بشوفه تهويني
ياكحلة ارموشك عذبتني اهواي
يالمسة اصابع بيهه تغويني
يالمسة مشاعر بيك احسن دوم
يانغمة عشك بالدكة ترضيني
غدار
شتظن انسه غدرك وامسح الفــــــات
لو طعنات سيفك بالظهر تشهــــــــــد
لو لجمات كلبي ودمعة العيــــــــــــن
لو وجنات خدي الراح تتجــــــــــعــد
شتظن انسه المضى وافتحلك الروح
مو انت البديت وجــــــاي تتـــــــودد
ما اسمــــــح بعد ترمشلك العــــــــين
ولا صــــــــوره بخيالي عليك تتجسد
ولا دكت كلــــــب لا مشيــــــة اجدام
راح انسه العشك وفراشي اتــــــوسد
ولا اريدك حلــــم وتمرني بطيــــــف
راح انسه الحلــــــم وبنومـــــي اتعود
لتـــــفكر بعـــــــد تتــــــــــودد الروح
ما بيــــه الم وجروحي ما تضمـــــــد
لاتغيب
لــــيش تغيب عني بكل وكت وتروح
ونــــــــــه المايوم عفتك شلتك بعيني
وخـــــليتك بكلبي تنظم الدكـــــــــات
من يصعـــــــــــد ضغط كلبي تهديني
راسم صورتك مطبوعه وسط الروح
مـــــــــــاتنمسح صورة بدم شراييني
وانتـــــــــــه بكل هداوة تشيل وتغيب
وبلحظـــــــــــــــة وتمر وتغير سنيني
وافرح ساعة وحدة وأبقى حزنــــــان
وانت تريد ترحل لاتــــــــــــــــأذيني
تــــــــــــانيتك عمر خليني افرح بيك
واتنومس بشوفك لا تجـــــــــــــافيني
اتعلقت بيك
شفتك مـــــرة تمشي تعلقت بيـــــــــــــك
مـــــــن دورة عيونك دوخت فكـــــــري
ومـــــن شفت الشهــــــــد بشفافك محليك
شرد حتى الصبر مــــــــــايقبل بصبري
مو روحي طريه وشصبر مــــــن الظيم
اذا انت بجمالك مـــــــاشفت عمــــــري
مثلك ماشفت شعرك عليك خـــــــــدود
هزني الشوك الك واكتبت كـــل شعري
انت منين كلي وكلي اهــــــــــــلك وين
لـــــــــــو بيدي اظمك بــــــالكلب دهري
اعتب والعتب كله على امـــــــــــك ليش
وابـــــــــوك شكد صلف خلاك من تسري
مــــــــــــايدرون بيـــــــك ادوخ اليمشون
وبخزرت عيونك كــــل مـــــــــــرض يبري
اشكد احبك
الك حتى بدموعـــي منزجت الاه
واكظي الليل كله بلوعه وبحسره
وانت الليل نايم وآنه افكـــــر بيك
كل ما انكلب الكاهـــــــه متوجره
واصفن ولكه طيفك ينده التعبـــان
وبلحظـــــــــه افز ولكاهه متكدره
هي الروح لجلك مـــــا لكت انسان
بس انت يصاحب مـــــا خذ الكثرة
مــــا خذ عيني انت وماخذ الشريان
مــــــو بيدي يصاحب حبت الكشره
بس آنـــــه احب مو كلهه حبت ليش
من يغلط الشاعر كلهـــــــــه متعذبه
تحياتي وودي
الأربعاء أبريل 04, 2012 7:41 pm